Documentación para o TWBlue - 0.88
índice
Atención!
Estás lendo documentación producida para un programa en estado de desenvolvemento. A intención deste manual é clarificar algúns detalles sobre o funcionamento do programa. Ten en conta que ao ser activamente desenvolto, o software pode cambiar parte desta documentación nun futuro relativamente cercano, así que é recomendable botar unha ollada de vez en cando para non perderte demasiado.
Se queres ver o que cambiou con respecto á versión anterior, le a listaxe de novidades aquí.
Introducción
TW Blue é unha aplicación para empregar twitter de maneira sinxela, rápida, mentres se evita consumir tantos recursos como sexa posible. Coa aplicación poderás facer accións en twitter tales como:
- Chiar, respostar, reenviar e eliminar chíos,
- Marcar como gústame ou non me gusta un chío,
- Enviar e eliminar mensaxes directas,
- Ver os teus amigos e seguidores,
- Seguir, deixar de seguir, reportar coma spam e bloquear a un usuario,
- Abrir unha liña temporal para un usuario para ver os seus chíos separadamente,
- Abrir enderezos URL cando vaian nun chío ou mensaxe directa,
- Reproducir varios tipos de arquivos ou enderezos que conteñan audio,
- E máis.
Uso
Twitter é unha rede social ou ferramenta de micro-blogging que che permite compoñer curtas actualizacións de estado das túas actividades en 280 caracteres ou menos. Twitter é un xeito para que amigos, familiares e compañeiros de traballo se comuniquen e permanezan conectados a través do intercambio de mensaxes rápidas e frecuentes. Podes restrinxir a entrega de actualizacións aos membros do teu círculo de amigos ou, de xeito predeterminado, permitir que calquera persoa teña aceso a elas.
Podes monitorizar as actualizacións de estado dos teus amigos, familia e compañeiros de traballo (o que se coñece como seguir a alguén), e eles á vez poden ver as actualizacións que ti publicas (o que se coñece como seguidores). As actualizacións chámanse chíos. Os chíos publícanse no teu perfil en Twitter e poden verse en blogs e outras páxinas web.
Para usar o TWBlue, primeiro debes ter creada unha conta no sitio web de Twitter. O proceso de rexistro en Twitter é moi accesible. Ó te rexistrar, terás que escoller un nome de usuario. issto sirve para dous propósitos. A través do teu nome de usuario a xente comunicarase contigo, pero o máis importante, é que se necesitará o teu nome de usuario e un contrasinal para dar permiso ó TWBlue para usar a túa conta. Xuxerímosche que escollas un nome de usuario que resulte doado de lembrar para ti e para os teus futuros seguidores.
Para esta guía asumirase que tes unha conta de Twitter e o seu contrasinal correspondente.
Autorizando a aplicación
Antes de nada, o primeiro que se precisa é autorizar ao programa para que este poida acceder á túa conta de Twitter, e dende ela realizar o que lle pidas. O proceso de autorización é bastante doado , e en ningún momento o programa poderá ter acceso aos teus datos como o usuario e contrasinal. Para autorizar a aplicación, só tes que abrir o arquivo principal do programa, chamado TW Blue.exe (nalgúns PC, só se amosa como TW Blue) se o explorador de Windows non está configurado para amosar as extensións de arquivos). Se usas unha versión portable, suxerímosche crear un acceso directo no escritorio para acceder ó programa máis rápida e cómodamente.
Podes comezar a sesión con varias contas de Twitter ó mesmo tempo. O programa refírese a cada conta que teñas configurada como "sesión". Se é a primeira vez que abres o TWBlue, ou se non configuraches antes unha sesión, verás o xestor de sesións. Este diálogo permíteche autorizar todas as contas que desexes. Se premes sobre o botón "Nova conta", unha mensaxe informarache de que se abrirá o teu navegador para autorizar a aplicación. Preme "si" para comezar o proceso.
A continuación, o teu navegador predeterminado abrirase coa páxina de Twitter solicitándoche autorizar a aplicación. Escrebe, se non estás autenticado xa, o teu nome de usuario e contrasinal, logo busca o botón autorizar, e prémeo.
Unha vez que autorizaras a túa conta de Twitter, Twitter redirixirache cara unha páxina que che notificará que o TWBlue foi correctamente autorizado. Agora podes pechar o navegador e voltar ó xestor de sesións. Na lista de sesións, poderás ver un novo elemento chamado temporalmente "Conta autorizada x", onde x é un número. O nome cambiará unha vez que comeces esa sesión.
Para arrancar o TWBlue, preme o botón aceptar no xestor de sesións. De xeito predeterminado, TWBlue inicia todas as sesións configuradas automáticamente, nembargantes, podes modificar este comportamento máis adiante.
Se todo saíu ben , a aplicación comezará a reproducir un grupo de sons en sinal de que se están a actualizar os teus datos.
Cando o proceso remate, o programa reproducirá outro son, e o lector de pantalla dirá "listo" (Isto pode configurarse dende as opcións globais).
Conceptos xerais
Antes de profundizar no uso do TWBlue, é necesario explicar algúns conceptos que se usarán extensivamente ao longo desta guía.
Búfer
Un Búfer é unha lista de elementos para manexar a información que provén do Twitter, despois de seren procesada pola aplicación. Cando configuras e comezas unha sesión no TWBlue, este crea algúns búferes. Cada un deles pode conter elementos cos que traballa o programa: Chíos, mensaxes directas, usuarios, tendencias ou eventos. Dependendo do búfer no que te atopes, serás capaz de realizar distintas accións cos seus elementos.
A continuación vai unha descripción para cada búfer e os diferentes tipos de elementos que poden conter.
- Principal: Aquí van todos os chíos que se mostran na liña principal. Estes son os chíos dos usuarios aos que segues.
- Mencións: Se un usuario (sígalo ou non) menciónate en Twitter, veralo nesta lista.
- Mensaxes directas: Aquí están as mensaxes directas (privados) que intercambias cos usuarios que segues e che seguen, ou con calquera usuario, se tes configurada a opción para recibir mensaxes directas de calquera persoa (esto é configurable dende as opcións de seguridade e privacidade na web de Twitter). Esta lista só amosa as mensaxes recividas.
- Mensaxes directas Enviadas: Nesta lista amósanse as mensaxes directas que se enviaron dende a túa conta.
- Chíos Enviados: Nesta lista amósanse os chíos que se enviaron dende a túa conta.
- Gústame: Aquí verás os chíos que marcaches como gústame.
- Seguidores: Cando os usuarios sigan a túa conta, poderás velos nesta lista, xunto cuns cantos detalles da súa conta.
- Amigos: Igual que a lista anterior, pero estes usuarios son ós que ti segues.
- Liña temporal dun usuario: Estas son listas que ti deberás crear. É unha lista que só contén os chíos dun usuario. Empréganse se algún día precisas ou queres ver os chíos que realizou só unha persoa e non desexas buscar por toda a túa timeline. Podes crear tantas como usuarios precises.
- Eventos: un evento é algo que ocorre en twitter, coma cando alguén te segue, cando alguén engade ou borra un chío teu da súa lista de gústame, ou cando te subscribes a unha lista. Hai moitos máis, pero o programa amosa os máis comúns no búfer de eventos así que podes seguir sinxélamente que ocorre na túa conta.
- Lista: Unha lista é semellante a unha liña temporal, pero composta polos chíos de cada usuario que forme parte dela.
- Procura: Un bufer de procura contén os resultados dunha procura feita en TW Blue. As procuras poden ser por chíos, en tal caso procuras un termo nos chíos relevantes de Twitter, ou por usuarios, onde os resultados son nomes de usuario de Twitter.
- Gústame do usuario: podes ter que o programa cree un búfer contendo chíos marcados como gústame dun usuario particular.
- Tendencias: Un búfer de tendencias amosa os 10 térmos máis utilizados nunha rexión xeográfica. Esta rexión pode ser unha cidade ou un país. As tendencias actualízanse cada cinco minutos.
Se un chío contén un enderezo web, podes premer intro na interfaz gráfica ou control + Windows + Intro na interfaz invisible para abrilo. Se inclúe un arquivo de audio, podes premer Control + Enter ou control + Alt + Windows + Enter para reproducilo, respectivamente. TWBlue reproducirá un son cando o chío conteña a etiqueta #audio, pero os chíos poderían incluir ficheiros de audio sen esta etiqueta. Finalmente, se o chío inclúe información xeográfica, podes premer Control + Windows + G na interfaz invisible para recuperala.
Campos para nome de usuario
Estos campos esperan un nome de usuario de Twitter (sen o signo de arroba). Están presentes nos diálogos para enviar mensaxes directas así como no diálogo de accións de usuario. Estos diálogos serán tratados máis tarde. O valor inicial de estos campos depende do lugar dende onde foron abertos. Estos campos rechéanse automáticamente co nome de usuario do chío actual (se foi aberto dende o búfer principal ou dende enviados, dende unha liña temporal dun usuario ou unha lista), o usuario que enviou a mensaxe directa actual (se se abre dende o búfer de mensaxes directas ou mensaxes directas enviadas) ou do usuario actual (dende o búfer de amigos ou seguidores). Se un destos diálogos se abre dende un chío, e se hai máis de un usuario mencionado, podes usar as frechas de arriba/abaixo para conmutar entre eles. Alternativamente, podes escreber manualmente o usuario de Twitter no campo de texto.
A interfaz do programa
A interfaz gráfica de usuario (GUI)
A interfaz gráfica do TWBlue está formada por unha ventá que contén os seguintes elementos:
- Unha barra de menú que ten seis menús (aplicación, chío, usuario, búfer, audio e axuda),
- Unha presentación en árbore,
- Unha lista de elementos
- Catro botóns na maioría dos diálogos: chío, rechío, respostar e mensaxe directa.
As accións dispoñibles para cada un destos elementos serán retomadas máis adiante.
En resume, a interfaz gráfica contén dous compoñentes importantes. Estos son o grupo de controis que atoparás se premes tab na ventá gráfica, e os diferentes elementos que están na barra de menú.
Botóns na aplicación
- Chío: este botón abre una Caixa de diálogo para escreber os teus chíos. Os chíos normais non deben exceder de 280 caracteres. Non obstante podes premer a Caixa de verificación chíos longos e os teus chíos publicaránse a través de Twishort, o que che permite escreber chíos máis longos (10000 caracteres). Se escrebes pasando este límite, reproducirase un son para advertirte. Ten en conta que o reconto de caracteres amósase na barra de título. Podes usar os botons de acurtar e expandir URL para cumplir co límite de caracteres. Podes cargar una imaxe, correxir a ortografía, adxuntar audio ou traducir a túa mensaxe seleccionando un dos botóns disponibles na caixa de diálogo. Ademáis, podes autocompretar a introducción de usuarios premendo Alt + C ou o botón para ese propósito se tes a base de datos de usuarios configurada. Preme intro para enviar o chío. Se todo foi ben, escoitarás un son confirmándoo. Doutro xeito, o lector de pantalla falará una mensaxe de erro en inglés descrebindo o problema.
- Rechiar: este botón rechía a mesaxe que estás lendo. Logo de premelo, se non configuraches a aplicación para non facelo, preguntaráseche se desexas engadir un comentario ao rechío ou compartilo tal e como foi escrebido. Se decides engadir un comentario, crearase un chío citado. Esto significa que se engadirá o teu comentario xunto cunha liga ao chío orixinal.
- Respostar: cando estass a visualizar un chío, podes respostar ao usuario que o escrebeu premendo sobre este botón. Abrirase o mesmo diálogo de Chío. Se no chío hai máis dun usuario mencionado, preme Tab e marca a Caixa "Mencionar a todos", ou marca a caixa para cada usuario que queiras mencionar. Cando esteass na lista de amigos ou seguedores, este botón chamarase mencionar.
- mensaxe directa: é exactamente igual que enviar un Chío, pero é unha mensaxe privada que só poderá ver o usuario ao que llo envías. Preme Shift+Tab dúas veces para ver o destinatario da túa mensaxe. Se no Chío onde estabas para enviar a mensaxe había máis dun usuario mencionado, podes navegar coas frechas de arriba e abaixo para selecionar outro, ou escreber ti mesmo o usuario (sen o signo de arroba). Ademáis, podes autocompletar usuarios premendo Alt + C ou o botón para ese propósito se tes a base de datos de usuarios configurada.
Ten en cuenta que os botóns aparecerán según as accións que se podan facer na lista onde esteas. Por exemplo, na liña principal, menciones, enviados, chíos marcados como gústame e as liñas temporais dos usuarios poderás ver os catro botóns; mentres que na lista de mensaxes directas só estará dispoñible o botón de "Mensaxe Directa" e "chío", e nas listas de amigos e seguedores, verase o botón para "Chío" e o de "Mensaxe directa" xunto con "mencionar".
Visualmente, na parte superior da ventá do programa poderás atopar unha barra de menú que fai as mesmas cousas, e algunhas cantas máis. Á barra de menú accédese premendo a tecla ALT, e conta neste momento con seis menús para diferentes accións: Aplicación, chío, usuario, Búfer, audio e Axuda. Nesta sección descríbense as accións para cada un deles.
- Xestionar contas: Abre unha ventá onde podes ver todas as sesións que configuraches co TWBlue, o que che permite engadir máis contas ou eliminar as que xa hai configuradas.
- Actualizar Perfil: Abre un diálogo dende onde poderás actualizar parte da túa información en Twitter. Nome, ubicación, enderezo web e descrición. Se xa tes algún destes campos actualmente no perfil rechearanse automáticamente co que teña a túa configuración de Twitter. Tamén poderás subir unha foto ao teu perfil.
- Agochar xanela: Desactiva a interfaz gráfica. Le o apartado sobre a interfaz non visible para máis detalles sobre este comportamento.
- Procurar: Amosa un cadro de diálogo dende onde podes procurar chíos ou usuarios en twitter.
- Xestor de listas: Esta caixa de diálogo permíteche xestionar as túas listas de Twitter. Para usalas, primeiro debes crealas. Aquí, podes velas, editalas, crealas, eliminalas ou, opcionalmente, abrilas en búferes de xeito similar ás liñas temporais de usuario.
- Editar combinacións de teclas: Abre un diálogo onde podes configurar as combinacións de teclado para a interfaz invisible do TWBlue.
- Opcións de conta: Abre un diálogo que che permite configurar as opcións para a conta actual.
- Opcións globais: Abre un diálogo para configurar as opcións que afectan a toda a aplicación.
- Saír: pregunta se queres saír ou non do programa. Se a resposta é que sí, pecha a aplicación. Se non queres que se che solicite a confirmación antes de saír, desmarca a caixa no cadro de diálogo de Opcións globais.
- As primeiras opcións do menú son chío, responder e rechío, que corresponden aos botóns do mesmo nome.
- Gústame: engade o chío que esteas a ver á lista de gústame.
- Non me gusta: Elimina o chío da lista de gústame, pero non o borra de Twitter.
- Amosar chío: Abre un diálogo onde podes ler o chío, mensaxe directa, amigo ou seguidor sobre o que tes o foco. Podes ler o texto coas frechas de cursor. É un diálogo moi semellante ó que se utiliza para escrebir un novo chío, excepto que para este diálogo non se amosan as opcións de autocompletado, carga de arquivos de audio e imaxes. nembargantes, inclúe un par de contadores que che permitirán saber o número de veces que o chío foi rechiado e marcado como favorito. Se estás na lista de seguidores e amigos, o diálogo só amosará información do usuario e un botón para se pechar.
- Ver enderezo: Se o chío seleccionado contén información xeográfica, TWBlue pode amosar un diálogo onde poderás ler o enderezo dende onde se escrebiu o chío. O enderezo obtense enviando as coordinadas dende onde se fixo o chío ós servizos de mapas de Google.
- Ver conversa: Se estás sobre un chío onde se menciona a outro usuario, esta opción permíteche abrir un novo búfer para seguir toda a conversa.
- Ler texto en imaxes: téntase aplicar tecnoloxía de recoñecemento óptico de caracteres (OCR) á imaxen que acompaña ao chío. O resultado amosarase nun novo diálogo.
- Eliminar: Elimina permanentemente o chío ou a mensaxe directa nos que teñas o foco tanto de Twitter coma da lista. Ten en conta que Twitter só che permite borrar os chíos que publicaches ti.
- Accións: Abre un diálogo onde podes interactuar cun usuario. Este diálogo porá por defecto o nome de usuario do chío ou mensaxe directa sobre o que estabas ó abrilo, ou no caso dos amigos e seguidores, o usuario actualmente seleccionado. Se o desexas, podes editar o usuario manualmente. O diálogo presenta as seguintes opcións:
- Seguir: Seguir a un usuario. Esto significa que verás os seus chíos na túa liña principal, e se el tamén te segue poderán enviarse mensaxes directas entre ámbolos dous. Tamén podes enviar e recibir mensaxes directas sen seguir ás persoas se configuras a túa conta de Twitter para poder recibir mensaxes directas de calquera persoa.
- Deixar de seguir: Deixa de seguir ó usuario, o que significa que non verás os seus chíos na túa liña principal e a menos que configures a túa conta para recibir mensaxes directas de calquera persoa, tampouco poderán enviarse mensaxes.
- Silenciar: ó silenciar a alguén, non verás os seus chíos na túa liña principal nin as súas mencións, pero non o deixarás de seguir. Pódense enviar e recibir mensaxes directas. O usuario silenciado non é informado de esta acción.
- Desactivar silenzo: Esta opción causa que TWBlue volte a amosar os chíos do usuario na túa liña principal e as súas mencións.
- Bloquear: Bloquea a un usuario. Se chhe sigue, esto obigaráo a deixar de seguirte.
- Desbloquear: Detén o bloqueo dun usuario.
- Reportar como spam: Esta opción envía un informe a Twitter sobre un comportamento que vai contra das políticas de uso da rede social.
- Ignorar chíos deste cliente: Engade a aplicación dende a que está feito o chío actual á lista de ignorados do TWBlue.
- Ver liña temporal: Permíteche abrir unha liña temporal dun usuario escollendo o usuario nun cadro de diálogo. Créase cando premas intro. Se chamas a esta opción cun usuario que non ten chíos, a operación fallará. Se tentas crear unha liña temporal existente o programa avisarache e non o creará de novo.
- Mensaxe Directa: A mesma acción que o botón.
- Engadir á Lista: Para ver os chíos de alguén nunha ou máis das túas listas, debes engadilos primeiro. No cadro de diálogo que se abre despois de seleccionar o usuario, preguntaráseche para seleccionar a lista á que desexas engadir o usuario. Despois diso, a lista conterá un membro novo e os seus chíos amosaranse alí.
- Eliminar da lista: Permíteche eliminar a un usuario dunha das túas listas.
- Ver listas: Amosa as listas nas que participa un usuario específico.
- Amosar perfil do usuario: Abre un diálogo co perfil do usuario especificado.
- Ver gústame: Abre un búfer onde podes mirar os chíos que un usuario en particular puxo como gústame.
- Novo búfer de tendencias: Abre un búfer dende o que podes realizar un seguemento das 10 tendencias de unha cidade ou país do mundo. Amosarase un diálogo dende o que podes seleccionar se queres ver as tendencias para un país, unha cidade ou as tendencias mundiais (esta opción atópase dentro da lista de cidades, como Worldwhide). O búfer crearase unha vez selecciones o teu país ou cidade, e premas sobre o botón "aceptar". Lembra que este tipo de búfer actualízase cada cinco minutos.
- Cargar elementos anteriores: Permite recuperar máis chíos, mensaxes directas, amigos ou seguidores, dende o búfer actual.
- Silenciar: Silencia as notificacións dun búfer en particular polo que non escoitarás cando cheguen chíos novos.
- autoler: Cando estea activada, o lector de pantalla ou a voz SAPI 5 Text to Speech (se está activada) lerá o texto dos chíos entrantes. Por favor ten en conta que isto podería falar moito se hai un lote de chíos entrantes.
- Limpar Bufer: Vacía os elementos deste bufer.
- Destruir: descarta a lista na que se esté.
- Reproducir/pausar: tenta reproducir audio para o elemento selecionado (se está dispoñible), ou detén o audio actualmente en reproducción.
- Retroceder 5 seconds: se se está a reproducir un audio, retrocede 5 segundos. Esto só funcionará en ficheiros de audio. Esta característica non se pode usar en estacións de radio o outros ficheiros en tempo real.
- Adiantar 5 segundos: Se un ficheiro de audio se está a reproducir, adiantaranse 5 segundos. Esto só funciona en ficheiros de audio. Esta característica non funciona en estacións de radio ou outros ficheiros de audio emitidos en tempo de real.
- Documentación: Abre este arquivo, onde podes ler algúns conceptos interesantes do programa.
- Tutorial de sons: Abre un diálogo onde poderás familiarizarte cos diferentes sons do programa
- ¿Qué hai de novo nesta versión?: Abre un arquivo coa lista de cambios dende a versión actual, ata a primeira en existencia.
- Procurar por actualizacións: Cada vez que abras o programa el procurará automáticamente por novas versións. Se hai una actualización dispoñible, preguntarache se queres descargar a actualización. Se aceptas, comezará o proceso de actualización. Cando se complete, o TWBlue reiniciarase. Este elemento procura novas actualizacións sen ter que reiniciar a aplicación.
- Sitio web do TWBlue: visita a nosa páxina inicial onde podes atopar toda a información importante e dscargas para TWBlue e para formar parte da comunidade.
- Acerca do TW Blue: Mostra información de créditos do programa.
A interfaz invisible de usuario
A interfaz invisible, tal como o indica o seu nome, non ten ventá gráfica e funciona directamente cos lectores de pantalla como JAWS for Windows, NVDA e System Access. Esta interfaz atópase desactivada por defecto, pero podes activala premendo Control + M. Funciona de forma parecida a The Qube e Chicken Nugget. as Súas combinacións de teclado son semellantes ás que existen en ambos os dous clientes. Ademáis, o programa inclúe soporte para mapas de teclado para estos clientes, os mesmos que podes configurar dende o diálogo de opcións globais. De xeito predeterminado, non podes usar os atallos de teclado de esta interfaz dende a ventá gráfica, pero esto é configurable tamén dende o diálogo de opcións globais.
A seguinte sección amosa a lista de atallos de teclado para ambas interfaces. Ten en conta que aquí só se describirán as combinacións de teclas para o mapa de teclado por defecto.
Atallos de teclado
Atallos de teclado da interfaz gráfica de usuario (GUI)
- Intro: Abre a URL.
- Control + Intro: Reproducir un audio.
- Control + M: Agochar a Interfaz Gráfica de Usuario.
- Control + N: Compoñer un novo chío.
- Control + R: Responder / mencionar.
- Control + Shift + R: Facer un rechío.
- Control + D: Enviar mensaxe directa.
- control + F: Engadir chío ao góstame.
- Control + Shift + F: Quitar un chío do góstame.
- Control + S: Abrir o diálogo de accións do usuario.
- Control + Shift + V: Amosar chío.
- Control + Q: Sair deste programa.
- Control + I: Abrir liña temporal.
- Control + Shift + i: Destruir búfer.
- F5: Subir volume un 5%.
- F6: Baixar volume un 5%.
- Control + p: Editar o teu perfil.
- Control + Suprimir: Eliminar un chío ou mensaxe directa.
- Control + Shift + Suprimir: Valdeirar o búfer actual.
Atallos de teclado para a interfaz invisible (mapa de teclado predeterminado)
A interfaz invisible do TWBlue pode modificarse usando un mapa de teclado. Cada mapa de teclado define un grupo de combinacións de teclas que poden usarse xunto coa interfaz invisible. Podes cambiar o mapa de teclado no diálogo de opcións globais, no menú aplicacións na barra de menú, e revisar ou editar as combinacións de teclado para o mapa en uso dende o editor de combinacións de teclado, tamén accesible dende o menú aplicacións.
- Control + Windows + Frecha arriba: móvese cara o elemento anterior no búfer.
- Control + Windows + Frecha abaixo: Móvese cara o seguinte elemento no búfer.
- Control + Windows + Frecha esquerda: Móvese cara o búfer anterior.
- Control + Windows + Frecha dereita: Móvese cara o seguinte búfer.
- Control + Windows + Shift + Left: Enfoca a sesión anterior.
- Control + Windows + Shift + Frecha dereita: Enfoca a seguinte sesión.
- Control + Windows + C: Ver conversa.
- Control + Widnows + Intro: Abre URL.
- Control + Windows + alt + Intro: Reproducir un audio.
- Control + Windows + M: Amosa ou agocha o GUI.
- Control + Windows + N: Facer un novo chío.
- Control + Windows + R: Responder a un chío.
- Control + Windows + Shift + R: Facer un rechío.
- Control + Windows + D: Enviar unha mensaxe directa.
- Windows+ Alt + F: Marca como gústame un chío.
- Alt + Windows + Shift + F: Quitar de gústame.
- Control + Windows + S: Abre o diálogo de accións do usuario.
- Control + Windows + Alt + N: Ver detalles dun usuario.
- Control + Windows + V: Amosar chío.
- Control + Windows + F4: Pechar TWBlue.
- Control + Windows + I: Abrir liña temporal de usuario.
- Control + Windows + Shift + I: Destruir búfer.
- Control + Windows + Alt + Frecha Arriba: Subir volume un 5%.
- Control + Windows + Alt + Frecha Abaixo: baixar volume un 5%.
- Control + Windows + Inicio: Saltar ó primeiro elemento do búfer actual.
- Control + Windows + Fin: Saltar ó final do búfer actual.
- Control + Windows + Retroceso de páxina: Saltar 20 elementos cara arriba no búfer actual.
- Control + Windows + Avance de páxina: Saltar 20 elementos cara abaixo no búfer actual.
- Windows + Alt + P: Editar o perfil.
- Control + Windows + Suprimir: Eliminar un chío ou mensaxe directa.
- Control + Windows + Shift + Suprimir: Valdeirar o búfer actual.
- Control + Windows + Espazo: Repite o último elemento.
- Control + Windows + Shift + C: Copiar ó portapapeis.
- Control + Windows+ A: Engadir un usuario na lista.
- Control + Windows + Shift + A: Quitar un usuario da lista.
- Control + Windows + Shift + M: Silenciar / non silenciar o búfer actual.
- Windows + Alt + M: Silencia ou non a sesión actual.
- Control + Windows + E: Cambiar a lectura automática de chíos entrantes no búfer actual.
- Control + Windows + -: Procurar en Twitter.
- Control + Windows + K: Amosa o editor de teclas.
- Control + Windows + L: Amosa listas para un usuario especificado.
- Windows + Alt + PageUp: Carga elementos anteriores para o búfer actual.
- Control + Windows + G: Obtén a xeolocalización.
- Control + Windows + Shift + G: Amosar a xeolocalización dos chíos nun diálogo.
- Control + Windows + T: Crear un búfer de tendencias.
- Control + Windows + {: Procura unha cadea no búfer actual.
- Alt + Windows + O: Extrae texto dende a foto e amosa o resultado nun diálogo.
Configuración
Como se describiu anteriormente, a aplicación ten dous diálogos de configuración. O diálogo de opcións globais e o diálogo de opcións de conta.
O diálogo opcións de conta
Pestana xeral
- Opcións de autocompletado: permítenche configurar o comportamento da base de datos de autocompletado de usuarios. Podes engadir usuarios manualmente ou permitir que TWBlue engada a todos os usuarios que se atopen no teu búfer de amigos, seguidores ou ambos os dous.
- Tempos relativos: permítenche configurar se queres que o programa calcule o tempo relativo co que se enviaron os chíos ou mensaxes directas (hai 2 días, unha semana, dous meses, etc.) ou se só queres que che informe da data e hora á que foi publicado o chío.
- Chamadas á API: Podes configurar o número de chamadas á API de Twitter que fará o programa.
- Elementos por cada chamada á API: Permíteche especificar cántos elementos se obterán por cada chamada á API. De xeito predeterminado, obtéñense 200 elementos por cada chamada. Este é o número máximo de elementos que se poden obter.
- Búfers invertidos: Podes activar esta opción para que os novos chíos aparezan o comezo dos búfers, e os antiguos se poñan ó final.
- Modo de rechío: Podes escoller o comportamento do TWBlue cando fas un rechío. As opcións son preguntar, rechiar engadindo un comentario ou facer o rechío sen comentario.
- Número de elementos de cada búfer a conservar na base de datos: Podes especificar cántos elementos de cada búfer serán gardados na base de datos do TWBlue. Cando se acade este límite, os elementos máis vellos do búfer eliminaranse. Podes escrebir calquer número, 0 para gardar todos os elementos sen borrar nada, e deixar en branco o campo de texto para desactivar a base de datos completamente.
Pestana búferes
Esta pestana amosa a lista dos búferes dispoñibles no TWBlue, coa excepción das procuras, liñas temporais, liñas temporais de gústame e listas. Dende aquí podes amosalos, agachalos e movelos.
A pestana clientes ignorados
Nesta pestana, podes engadir e eliminar clientes que serán ignorados polo programa.
Pestana son
Nesta pestana podes axustar o volume do son, seleccionar o dispositivo de entrada e saída e establecer o paquete de sons que o programa usará para a sesión actual.
Pestana de servizos de audio
Nesta pestana podes introducir a túa API Key de SndUp (no caso que teñas unha) para subir audios a este servicio. Ten en conta que se non se escrebe ningunha API Key válida, os audios subiranse de forma anónima a SndUp.
Opcións Globais
Este diálogo permíteche configurar algunhas opcións que afectan ó funcionamento de toda a aplicación.
Pestana Xeral {#general-tab_1}
- Lingua: Permite cambiar a lingua co que se amosa a interfaz e a documentación do cliente. As linguas dispoñibles ata o de agora son inglés, Árabe, Catalán, Alemán, Español, Vasco, Finlandés, Francés, Galego, Croata, Húngaro, Italiano, Polaco, Portugués, Ruso e turco.
- Preguntar ó saír do TWBlue: Esta caixa permite controlar se TWBlue pedirá confirmación ó seren pechado.
- Reproducir un son cando comeza o TWBlue: Esta caixa permite controlar se o TWBlue reproducirá un son cando todos os búferes e sesións teñan rematado de cargar.
- Falar unha mensaxe cando TWBlue comece: Esta caixa controla se o TWBlue dirá "listo" ó finalizar a carga das sesións e búferes.
- Usar os atallos de teclado da interfaz invisible na ventá gráfica: Como a interfaz invisible e a ventá gráfica teñen atallos de teclado diferentes, poderías querer usar os atallos da interfaz invisible sempre. Se esta opción está marcada, os atallos de teclado da interfaz invisible funcionarán, incluso se tes a ventá gráfica activa.
- Activar SAPI 5 cando non hai ningún lector de pantalla executándose: Esta caixa controla se se debería proporcionar saída de voz a través de Microsoft SAPI 5 ó non atoparse ningún lector de pantalla en execución.
- Agochar interfaz gráfica ó comezar: Esta caixa controla se o TWBlue omezará coa interfaz gráfica ou a invisible.
- Mapa de teclado: Esta opción permíteche modificar o mapa de teclado da interfaz invisible. Os mapas de teclado dispoñibles son Default, Qwitter, The Qube e Chicken Nugget. Os mapas de teclado atópanse no directorio "keymaps", e podes crear os teus proprios. Só crea un novo archivo coa extensión ".keymap" e engade asociacións ós atallos de teclado, xusto como está feito nos mapas de teclado que van incluidos co TWBlue.
Pestana proxi
Nesta pestana podes configurar o TWBlue para usar un servidor proxy compretando os campos amosados (tipo, servidor, porto, usuario e contrasinal).
Licencia, código fonte e doacións
Tw Blue é software libre, licenciado baixo a licencia GNU GPL, tanto na versión 2 ou, ó teu criterio, calquer versión posterior. Podes ver a licencia no ficheiro chamado license.txt, ou en liña en http://www.gnu.org/licenses/old-licenses/gpl-2.0.html.
O código fonte do programa está dispoñible en GitHub en https://www.github.com/manuelcortez/twblue.
Se queres donar ao proxecto, podes facelo en https://twblue.es/donate. ¡Grazas polo teu apoio!
Se aínda tes preguntas despois de ler este documento, se desexas colaborar co proxecto dalgún outro xeito, ou se só queres contactar co creador da aplicación, segue as contas de Twitter @tw_blue2 ou @manuelcortez00. Tamén podes visitar o noso sitio web
Créditos
TWBlue desenvólvese e mantense por Manuel Cortéz e José Manuel Delicado.
Tamén nos gostaría agradecer ós traductores do TWBlue, quenes permitiron a difusión da aplicación.
Moitas grazas tamén á xente que traballou na documentación. Inicialmente, Manuel Cortez fixo a documentación en español, e traduciuse ó inglés por Bryner Villalobos, Robert Spangler, Sussan Rey, Aníbal Hernández, e Holly Scott-Gardner. Actualizouse por Sukil Etxenike, con algunhas correccións valiosas por Brian Hartgen e Bill Dengler.
Copyright © 2013-2017. Manuel Cortéz